جنوبی افریقی آل راؤنڈر کرس مورس نے انٹرنیشنل کرکٹ سے ریٹائرمنٹ کا اعلان کردیا۔

بالنگ آل راؤنڈر کرس مورس نے اپنے انسٹاگرام اکاؤنٹ پر جاری پیغام میں ریٹائرمنٹ کا اعلان  کرتے ہوئےاپنے کیریئر میں ساتھ رہنے والوں کا  شکریہ ادا کیا۔

https://twitter.com/OfficialCSA/status/1480826862356082694

انہوں نے اپنے پیغام میں مزید کہا کہ یہ ایک تفریحی سفر رہا ہے ۔اب کوچنگ کا کردار ادا کرنے کی خوشی ہے۔

کرس مورس نے 4 ٹیسٹ، 42 ون ڈے اور 23 ٹی ٹوئنٹی میچز میں جنوبی افریقا  کی نمائندگی  کی۔

انہوں نے 4 ٹیسٹ میچز میں 12 وکٹیں حاصل کیں اور ایک نصف سنچری کی مدد سے 173 رنز بھی بنائے۔ون ڈے کے 42 میچز میں 48 وکٹیں حاصل کرکے ایک نصف سنچری کی مدد سے 467 رنز بنائے۔

ٹی ٹوئنٹی انٹرنیشنل کے 23 میچز میں 34 وکٹیں حاصل کیں اور ایک نصف سنچری کی مدد سے 133 رنز بنائے۔