آئی سی سی نے کورونا کے خطرات کے پیش نظرویمنز ورلڈ کپ 2022 میں 9 پلیئرز کے ساتھ میچ کھیلنے کی اجازت دے دی ہے۔

آئی سی سی نے ویمنز ورلڈ کپ پر کورونا کے خدشات کے پیش نظر ٹیموں کو 9، 9 پلیئرز کے ساتھ میچ کھیلنے کی اجازت دے دی ہے۔

آئی سی سی کے مطابق فیلڈنگ میں اگر ضرورت پڑی تو کوچنگ اسٹاف بھی فلیلڈنگ کرسکے گا۔

آئی سی سی ایونٹ کے ہیڈ کرس ٹیٹلی کا کہنا ہے کہ ویمنز ورلڈ کپ میں 9 اے سائیڈ میچز کی اجازت ہوگی، کووڈ 19 کی وجہ سے آئی سی سی نے ٹورنامنٹ کو ممکن بنانے کے لیے یہ فیصلہ کیا ہے۔

ان کا کہنا تھا کہ اگر ضرورت پڑی تو میچ 9 کھلاڑیوں کے ساتھ بھی کھیلا جاسکے گا جبکہ دو خواتین  نان بیٹنگ اور نان بولنگ کے طور پر متبادل ہوں گی۔

متبادل کا انتخاب ٹیم مینجمنٹ سے ہوگا جو صرف فیلڈنگ کرسکیں گی، اسکواڈ پندرہ رکنی رہے گا جبکہ ٹریولنگ ریزرو کی سہولت موجود رہے گی اور میچز کو ری شیڈول کیا جاسکے گا۔

کرس ٹیٹلی کا کہنا ہے کہ چار سے پانچ ہفتے کے ٹورنامنٹ میں ممکن ہے کہ کووڈ کیسز ہوں جس کی وجہ سے یہ فیصلہ کیا گیا ہے۔

انہوں نے مزید کہا کہ ویمنز کرکٹ کے میگا ایونٹ کے مکمل انعقاد کی ہر ممکن کوشش کی جائے گی۔

واضح رہے کہ آئی سی سی ویمنز ورلڈ کپ 4 مارچ سے نیوزی لینڈ میں شروع ہو رہا ہے، ایونٹ کا فائنل 3 اپریل کو کرائسٹ چرچ میں کھیلا جائے گا۔

خیال رہے کہ ویمنز ورلڈ کپ میں اب تک 9 کورونا کیسز سامنے آچکے ہیں۔