کوئٹہ گلیڈی ایٹرز کے اسٹار آل راؤنڈر شاہد آفریدی نے قرنطینہ مکمل ہونے کے بعد ٹیم کو جوائن کرلیا۔

شاہد آفریدی کے آنے سے کوئٹہ گلیڈی ایٹرز کی ٹیم کو سہارا ملے گا چونکہ گزشتہ میچ میں ملتان سلطانز کے خلاف کوئٹہ کی ٹیم کو اچھے پاور ہٹر کی کمی شدت سے محسوس ہوئی تھی۔

شاہد آفریدی پی ایس ایل کے آغاز سے قبل اپنی نجی مصروفیات کے باعث بائیو سیکیور ببل سے نکل کر گھر چلے گئے تھے جہاں بعد ازاں وہ کورونا وائرس کا شکار ہوگئے تھے۔

تاہم اب انہوں نے کورونا وائرس سے صحت یاب ہوکر  بائیوسیکیور ببل  کے قوانین کے تحت تین روزہ قرنطینہ مکمل کرکے ٹیم  کو جوائن کرلیا ہے۔

https://twitter.com/TeamQuetta/status/1488879104455847941

واضح رہے کہ کوئٹہ گلیڈی ایٹرز کی ٹیم اب تک تین میچز کھیل کر ایک میں ہی فتح حاصل کرسکی ہے جبکہ دو میں اسے شکست کا سامنا کرنا پڑا ہے۔