پی ایس ایل 7: اسلام آباد یونائیٹڈ کو بڑا دھچکا

پاکستان سپر لیگ (پی ایس ایل) کے اہم میچ سے قبل اسلام آباد یونائیٹڈ کی ٹیم کو بڑا دھچکا لگ گیا ۔

تفصیلات کے مطابق اسلام آباد یونائیٹڈ کے کپتان شاداب خان اور ایمرجنگ فاسٹ بالر ذیشان ضمیر کل کے میچ سے باہر ہوگئے ہیں۔

شاداب خان گروئن انجری جبکہ ذیشان ضمیر سائیڈ اسٹرین انجری کا شکار ہیں۔

ترجمان اسلام آباد یونائیٹڈ کا کہنا ہے کہ دونوں کھلاڑیوں کی میڈیکل رپورٹس ابھی موصول ہوئی ہیں میڈیکل پینل جلد مزید تفصیل سے آگاہ کرے گا۔

کل اسلام باد یونائیٹڈ اور پشاور زلمی کے درمیان مقابلہ ہو گا۔

واضح رہے کہ دونوں کھلاڑی کراچی کنگز کے خلاف میچ میں انجری کا شکار ہوئے تھے۔