راولپنڈی: بارش کے باعث پاکستان و آسٹریلیا کی ٹیموں کا آج ہونے والا پریکٹس سیشن منسوخ کردیا گیا ہے۔

پاکستان اور آسٹریلیا کی کرکٹ ٹیموں کے درمیان 4 مارچ سے ٹیسٹ سیریز کا آغاز ہونے جارہا ہے جس کے لیے دونوں ٹیموں نے کل سے راولپنڈی میں پریکٹس شروع کردی ہے۔

یہ بھی پڑھیں: پاک آسٹریلیا ٹیسٹ سیریز: کس کا پلڑا بھاری، دونوں ٹیموں کے اہم کھلاڑیوں پر ایک نظر

تاہم آج راولپنڈی میں وقفے وقفے سے  بارش کا سلسلہ جاری ہے جس کے باعث دونوں ٹیموں کا آج ہونے والا پریکٹس سیشن منسوخ کردیا گیا ہے۔

بارش کے باعث آج ہونے والا پریکٹس سیشن منسوخ

ٹیسٹ سیریز میں شامل دوسرا ٹیسٹ 12 مارچ سے 16 مارچ کے دوران کراچی کے نیشنل اسٹیڈٰیم میں کھیلا جائے گا جبکہ تیسرا اورآخری ٹیسٹ 21 مارچ سے 25 مارچ کے دوران لاہور کے قذافی اسٹیڈیم میں کھیلا جانا ہے۔

یہ بھی پڑھیں: صرف 1 رن دے کر آسٹریلیا کی7 وکٹیں اڑانے والے پاکستانی کھلاڑی

علاوہ ازیں آسٹریلیا کے دورہ پاکستان کے دوران 3 ون ڈے میچز پر مشتمل سیریز بھی کھیلی جائے گی جس کے میچز 29 مارچ سے 2 اپریل کے دوران راولپنڈی میں کھیلے جائیں گے۔