ماؤنٹ منگوئی: آئی سی سی ویمنز ورلڈ کپ میں بھارت نے پاکستان کو 107 رنز سے شکست دے دی ہے۔

انٹرنیشنل کرکٹ کونسل (آئی سی سی) ویمنز ورلڈ کپ میں گروپ میچز جاری ہیں جس میں روایتی حریف بھارت سے پاکستان ویمنز ٹیم کیا مقابلہ ہوا جو بھارت نے اپنے نام کرلیا۔

https://twitter.com/cricketworldcup/status/1500378708019843072

اس میچ میں بھارت نے ٹاس جیت کر پہلے بیٹنگ کرنے کا فیصلہ کیا مقررہ اوورز میں 7 وکٹوں کے نقصان پر 244 رنز اسکور کیے جبکہ پاکستان کو جیت کے لیے 245 رنز درکار تھے۔

بھارت کی جانب سے سمرتی مندھنا، سنیہ رانا اور پوجا وستراکار نے نصف سنچریاں اسکور کیں جبکہ پاکستان کی جانب سے نشرا سندھو اور ندا ڈار نے دو دو کھلاڑیوں کو آؤٹ کیا۔

ہدف کے تعاقب میں پاکستان ویمنز ٹیم کی کوئی بھی بیٹر اچھی کارکردگی کا مظاہرہ نہ کر سکی اور پوری ٹیم صرف 137 رنز پر ہی آؤٹ ہو گئی۔

بھارت کی جانب سے راجیش گیکودی نے بہترین بولنگ کا مظاہرہ کیا اور پاکستان کی 4 بیٹرز کو پویلین کی راہ دکھائی جبکہ بھارتی بولر سنیہ رانا اور جھلن گوسوامی نے دو دو کھلاڑیوں کو آؤٹ کیا۔