قومی کرکٹ ٹیم کے فاسٹ بالر رومان رئیس کی دو سالہ بیٹی چھت سے گرکر شدید زخمی ہوگئی۔

ذرائع کے مطابق رومان رئیس کی بیٹی چھت سے گر کر شدید زخمی ہوگئی ہے اور اس وقت انتہائی نگہداشت کے وارڈ میں داخل ہے۔

رومان رئیس  کی بیٹی کو سر اور ناک پر شدید چوٹیں آئی ہیں، انہوں نے بیٹی کے لیے قوم سے دعاؤں کی اپیل کی ہے۔

بچی کے ساتھ  پیش آنے والے حادثے سے متعلق ابھی دیگر کوئی تفصیلات سامنے نہیں آئی ہیں۔

واضح رہے کہ رومان رئیس  انجری کے سبب طویل عرصے سے قومی ٹیم میں شامل نہیں ہیں، تاہم حال ہی میں انہوں نے انجری سے صحتیاب ہونے کے پی ایس ایل کے ساتویں سیزن میں چند میچز میں ملتان سلطانز کی نمائندگی کی تھی۔