ماہ جون کے لیے آئی سی سی مینز پلیئر آف دی منتھ  کی نامزدگیوں  کا اعلان کردیا گیا۔

تفصیلات کے مطابق  نیوزی لینڈ کے دورہ انگلینڈ کے تین ٹاپ پرفارمرز کو جون 2022 کے آئی سی سی مینز پلیئر آف دی منتھ کے لیے شارٹ لسٹ کیا گیا ہے۔

شارٹ لسٹ کیے جانے والے کھلاڑیوں میں انگلینڈ کے جونی بیئر اسٹو اور جو روٹ جبکہ نیوزی لینڈ کے ڈیرل مچل شامل ہیں۔

Three top batters have been shortlisted as the nominees for the ICC Men’s Player of the Month for June 2022 👀#ICCPOTM | Find out 👉 https://www.bolnews.com/urdu/sports/2022/07/823681/amp/ pic.twitter.com/veTUKzPSln

Advertisement

— ICC (@ICC) July 4, 2022

جونی بیئر اسٹو:

انگلینڈ کے اسٹائلش بلے باز رواں برس طویل فارمیٹ میں شاندار  کارکردگی کا مظاہرہ کررہے ہیں  اور وہ رواں برس ورلڈ ٹیسٹ چیمپئن شپ میں سب سے زیادہ 5 سنچریز بناچکے ہیں۔

انہوں نے نیوزی  لینڈ کے خلاف تین میچز کی آئی سی سی ورلڈ ٹیسٹ چیمپئن شپ سیریز میں  دو سنچریز اور ایک نصف سنچری کی مدد سے 78.80 کی اوسط سے 394 رنز بنائے۔

ڈیرل مچل:

نیوزی لینڈ کے مڈل آرڈر بلے باز ڈیرل مچل  سیریز میں نہ صرف سب سے زیادہ رنز بنائے بلکہ انہوں نے ریکارڈز بنائے بھی اور توڑ بھی ڈالے۔

ڈیرل مچل نے تین ٹیسٹ میچز میں تین سنچریز اور دو نصف سنچریز کی مدد سے  107.60 کی غیر معمولی اوسط سے 538 رنز بنائے۔

وہ لگاتار تین ٹیسٹ میچز میں سنچریز بنانے والے پانچویں کیوی کھلاڑی بن گئے۔

ڈیرل مچل نے کسی بھی کیوی بلے باز کی جانب سے انگلینڈ کے خلاف ٹیسٹ سیریز میں سب سے زیادہ رنز بنانے کا 73 سالہ پرانا ریکارڈ بھی توڑ دیا۔

اس سے قبل 1949 میں مارٹن ڈونیلی  نے انگلینڈ کے خلاف ٹیسٹ سیریز میں 462 رنز بناکر یہ ریکارڈ قائم کیا تھا۔

جو روٹ:

انگلینڈ کے سابق کپتان جو روٹ گزشتہ سال سے طویل فارمیٹ میں اپنی سپریم فارم میں ہیں۔

وہ گزشتہ سال کیلنڈر ایئر میں 1700 سے زائد رنز بناکر ’ٹیسٹ پلیئر آف دی ایئر‘ کا ایوارڈ بھی جیت چکے ہیں۔

نیوزی لینڈ کے خلاف سیریز کے دوران انہوں نے ٹیسٹ کرکٹ میں 10 ہزار رنز کا سنگ میل عبور کیا اور ایلسٹر کک کے بعد یہ کارنامہ انجام دینے والے انگلینڈ کے دوسرے جبکہ مجموعی طور پر 14 ویں  کھلاڑی بن گئے۔