کامن ویلتھ گیمز کی تیاری کے لئے پاکستان ہاکی ٹیم کے ہیڈ کوچ سیگفرائیڈ ایکمین لاہور پہنچ گئے ہیں۔

  ہالینڈ سے تعلق رکھنے ایکمین کی ویزا مسائل کی وجہ سے آمد میں دو ہفتے تاخیر ہوئی ہے، نیدر لینڈ میں پاکستانی سفارت خانے سے سفری دستاویز مکمل ہونے کے بعد پاکستانی ہاکی ٹیم کے ڈچ کوچ کو 5 جولائی کو پاکستان کا ویزہ جاری کیا گیا تھا۔

ہیڈ کوچ سیگفرائیڈ ایکمین آج شام کے سیشن میں ٹریننگ کی نگرانی کریں گے۔

قومی ہاکی ٹیم کے ہیڈ کوچ کا کہنا تھا کہ تمام لوگوں کا شکریہ ادا کرنا چاہتا ہوں جنہوں نے میری مدد کی، ٹیم کو جوائن کرنے کے لئے بے تاب ہوں۔

رواں ماہ برطانیہ کے شہر برمنگھم میں ہونے والے کامن ویلتھ گیمز میں شرکت کے لیے قومی ہاکی ٹیم کا تربیتی کیمپ لاہور میں شروع ہوگیا ہے۔

ہاکی ٹیم کا تربیتی کیمپ 8 جولائی سے عید کی چھٹیوں کے وقفے کے بعد 23 جولائی تک جاری رہے گا، جس کے بعدقومی ٹیم برمنگھم روانہ ہوگی۔