ریشبھ پنت کو ایشیاکپ 2022 کے بڑے میچ میں ڈراپ کرنے کی وجہ سامنے آگئی ہے۔

روایتی حریف پاکستان اور بھارت کے درمیان گذشتہ روز گروپ اسٹیج کا بڑا میچ کھیلا گیا جس میں بھارتی کپتان روہت شرما نے ٹاس جیت کر پہلے بولنگ کرنے کا فیصلہ کیا۔

اگرچہ بھارتی ٹیم میں کوئی بڑا سرپرائز نہیں تھا لیکن اس میچ میں رشبھ پنت کی غیر موجودگی نے بہت سے لوگوں کو دنگ کردیا تھا۔

چونکہ ٹیم میں پہلی پسند کے تمام کھلاڑیوں کی ہی واپسی ہوئی ہے لیکن رشبھ پنت اور دنیش کارتک میں سے کسی ایک کو ہی پلیئنگ الیون میں شامل ہونا تھا تاہم ٹیم انتظامیہ نے اِن فارم دنیش کارتک کو ہی ٹیم میں شامل کرنے کا فیصلہ کیا۔

          اگرچہ رشبھ پنت ٹیم کے مستقل رکن ہیں لیکن وہ ٹی ٹوئنٹی میں کوئی خاص کارکردگی دکھانے میں ناکام رہے ہیں۔

رشبھ پنت کو ٹیم سے ڈراپ کرنے پر ٹوئٹر صارفین کا ردعمل بھی سامنے آیا ہے جس میں صارفین نے ٹیم انتظامیہ کو تنقید کا نشانہ بناتے ہوئے افسوس کا اظہار کیا ہے۔

Rishabh pant not in the XI… Seriously…
Why always he has to sacrifice?
Not done… It will not be good for his confidence@vikrantgupta73@rawatrahul9#asksportstak

— Nitish Rastogi (@rastogi_nitish) August 28, 2022

India won the toss and elected to Bowl, why @RishabhPant17 dropped from the squad? #IndiaVsPakistan #INDvPAK

Advertisement

— Socialist Spirit (@SocialistSpirit) August 28, 2022

#AsiaCup2022. I can't belief @RishabhPant17 was replaced by @DineshKarthik. Unfathomable. Who thinks DK is better wicket keeper Batsman than Pant? He can single handedly win manchestar for God's sake.

— Chetan Thaker (@ChikooThaker) August 28, 2022

واضح رہے کہ رشبھ پنت نے جنوبی افریقہ کے خلاف ہوم سیریز میں بھارتی ٹیم کی قیادت کی تھی اور دنیش کارتک ان کی کپتانی میں کھیلے تھے جب کہ دنیش کارتک کی ٹیم میں واپسی کے بعد یہ پہلی سیریز تھی۔

پاکستان کے خلاف بھارت کی پلیئنگ الیون

پاکستان کے خلاف بھارت کی قیادت روہت شرما نے کی تھی جب کہ کے ایل راہول، ویرات کوہلی، سوریہ کمار یادیو، دنیش کارتک، ہاردک پانڈیا، رویندرا جڈیجا، بھونیشور کمار، اویش خان، یوزویندر چاہل اور ارشدیپ سنگھ پلیئنگ الیون کا حصہ تھے۔

دوسری جانب پاکستان کی پلیئنگ میں کپتان بابر اعظم، وکٹ کیپر محمد رضوان، فخر زمان، افتخار احمد، خوشدل شاہ، آصف علی، شاداب خان، محمد نواز، نسیم شاہ، حارث رؤف اور شاہ نواز دھانی شامل تھے۔