لاہور: پاکستان کرکٹ بورڈ نے پی ایس ایل سیزن 8 کی تاریخوں کا اعلان کر دیا ہے۔

پی ایس ایل گورننگ کونسل کا اجلاس ہوا جس میں اہم فیصلے کرلیے گئے ہیں جب کہ پاکستان کرکٹ بورڈ نے پی ایس ایل سیزن 8 کی تاریخوں کا بھی اعلان کر دیا ہے۔

پاکستان سپر لیگ سیزن 8 کا آغاز 9 فروری سے ہوگا جس کے میچز 19 مارچ تک جاری رہیں گے جب کہ پی ایس ایل 8 چار وینیوز پر کروایا جائے گا۔

لاہور، کراچی، راولپنڈی اور ملتان پی ایس ایل سیزن 8 کی میزبانی کریں گے، پی ایس ایل گورننگ کونسل اجلاس میں 6 فرنچائزز کے نمائندگان نے شرکت کی۔

پاکستان کرکٹ بورڈ کے چیئرمین رمیز راجہ نے اجلاس کی صدارت کی جب کہ پی ایس ایل گورننگ کونسل کے اجلاس میں رمیز راجہ نے فرنچائزز کو سیزن 7 کے کامیاب انعقاد پر مبارک باد بھی پیش کی۔

اگلے ہفتے ہونے والے اجلاس میں مالی معاملات سے متعلق اہم امور پر گفتگو ہوگی۔