ملتان ٹیسٹ میں سعود شکیل کے متنازع کیچ پر سابق انگلش کپتان مائیکل وان سمیت کھلاڑیوں نے تھرڈ امپائر کے فیصلے کو تنقید کا نشانہ بنایا ہے۔

پاکستان اور انگلینڈ کی ٹیموں کے درمیان ملتان کرکٹ اسٹیڈیم میں دوسرا ٹیسٹ کھیلا گیا جس میں انگلینڈ نے 26 رنز سے کامیابی اپنے نام کی۔

میچ کے چوتھے دن کے کھیل کے موقع پر پاکستانی کرکٹر سعود شکیل کا کیچ آؤٹ دیا گیا جو کہ متنازع اور تھرڈ امپائر کا غلط فیصلہ قرار دیا جارہا ہے۔

متازع کیچ پر تبصرہ کرتے ہوئے سابق انگلش کپتان مائیکل وان نے بھی تھرڈ امپائر کے فیصلے پر اعتراض اٹھادیا ہے۔

مائیکل وان کا مائیکرو بلاگنگ سائٹ پر کہنا تھا کہ ’میرے خیال میں بال زمین پر لگ گئی تھی‘ جب کہ ساتھ ہی انہوں نے ملتان ٹیسٹ کو زبردست قرار دیا۔

Advertisement

Thought I saw a little bit of the ball hitting the ground with that last dismissal .. #PAKvENG .. What another great Test match .. 👍

— Michael Vaughan (@MichaelVaughan) December 12, 2022

پاکستان کرکٹ ٹیم کے سابق کپتان وقار یونس کا حیرت کا اظہار کرتے ہوئے کہنا تھا کہ ’حیرت ہے کہ ٹی وی امپائر جوئل ولسن نے گیند کے نیچے کون سی انگلی دیکھی جب کہ گیند زمین سے ٹکرائی تو انگلیاں بھی نیچے کی طرف تھیں‘۔

Wonder which finger Joel Wilson (Tv umpire) saw under the ball. Fingers were pointing downward when ball hit the turf #ShockingDecision #ENGvPAK #Multan pic.twitter.com/GsxWam16iV

Advertisement

— Waqar Younis (@waqyounis99) December 12, 2022

قومی ٹیم کے سابق وکٹ کیپر کامران اکمل کا چونکا دینے والا فیصلہ قرار دیتے ہوئے کہنا تھا کہ ’میرے خیال میں یہ آؤٹ نہیں تھا‘۔

Shocking decision…@saudshak wasn’t out in my opinion 🤔 #PakvsEng2022

— Kamran Akmal (@KamiAkmal23) December 12, 2022

واضح رہے کہ پاکستان اور انگلینڈ کے درمیان ٹیسٹ سیریز جاری ہے جس میں انگلینڈ نے 0-2 سے فیصلہ کن برتری حاصل کرلی ہے جب کہ تیسرا اور آخری ٹیسٹ 17 دسمبر سے کراچی میں کھیلا جائے گا۔