ملتان ٹیسٹ کے دوسرے روز کھیل کے آغاز میں ہی پاکستانی بیٹنگ لائن لڑکھڑا  کر  کھانے کے وقفے سے قبل ہی 202 رنز پر آل آؤٹ ہوگئی۔

پاکستان نے دوسرے روز107 رنز 2 کھلاڑی آؤٹ سے کھیل کا آغاز کیا تو 142 کے مجموعی اسکور پر کپتان بابر اعظم 75 رنز بناکر آؤٹ ہوگئے۔

مجموعی اسکور میں صرف 16 رنز کے اضافے کے بعد دوسرے سیٹ بلے باز  سعود شکیل (63) بھی پویلین واپس لوٹ گئے اور اس کے بعد کوئی بلے باز کریز پر زیادہ دیر نہ ٹھہرسکا۔

فہیم اشرف 22، محمد رضوان 10، آغا سلمان 4، محمد نواز ایک جبکہ محمد علی اور زاہد محمود بغیر کوئی رن بنائے آؤٹ ہوئے۔ ابرار احمد 7 رن بناکر ناٹ آؤٹ رہے۔

انگلینڈ کو پاکستان پہ پہلی اننگز میں 79 رنز کی برتری حاصل ہے۔

A tough morning session on Day Two.

England earn a first-innings lead of 79 runs 🏏#PAKvENG | #UKSePK pic.twitter.com/slg1xhkYhf

— Pakistan Cricket (@TheRealPCB) December 10, 2022

گزشتہ روز انگلینڈ کے 281 رنز کے جواب میں پاکستان نے اپنی پہلی اننگ کا آغاز کیا تو عبداللہ شفیق 14 اور امام الحق بغیر کوئی رن  بنائے آؤٹ ہوگئے تھے۔

اس سےقبل  انگلینڈ نے ٹاس جیت کر پہلے بیٹنگ کرنے کا فیصلہ کیا تو  ڈیبیو ٹینٹ مسٹری اسپنر ابرار احمد 7 وکٹیں لے اڑے، انگلینڈ کی پوری ٹیم 281 رنز بناکر آل آؤٹ ہوگئی تھی۔

2️⃣2️⃣ overs
1️⃣1️⃣4️⃣ runs
7️⃣ wickets

Man of the moment Abrar Ahmed! ✨#PAKvENG | #UKSePK pic.twitter.com/zLaPtG5unr

— Pakistan Cricket (@TheRealPCB) December 9, 2022

انگلینڈ نے ’بیز بال‘ اسٹریٹجی کو اپناتے ہوئے جارحانہ کھیل کا مظاہرہ کیا  تھا تاہم ڈیبیو کرنے والے مسٹری اسپنر نے انگلش بلے بازوں کی زیادہ نہ چلنے دی اور ایک کے بعد ایک کھلاڑی کو پویلین واپس بھیجتے رہے  تھے۔

کھانے کے وقفے تک انگلینڈ ٹیم نے 180 رنز بنالیے تھے تاہم اسے 5 وکٹوں کا نقصان بھی ہوچکا تھا۔ کپتان بین اسٹوکس 14 اور ول جیکس بغیر کوئی رن بنائے کریز پر موجود تھے۔

A terrific achievement on debut 🙌

Adulations for Abrar Ahmed 🌟#PAKvENG | #UKSePK pic.twitter.com/kCRUF1QrEc

— Pakistan Cricket (@TheRealPCB) December 9, 2022

بین ڈکٹ 63، اولی پوپ 60، زیک کرولی 19، ہیری بروک 9 اور جو روٹ 8 رن بناکر آؤٹ ہوئے تھے۔

کھانے کے وقفے کے بعد بھی ابرار نے بہترین بولنگ کا مظاہرہ کرتے ہوئے مزید 2 وکٹیں حاصل کیں۔باقی تین وکٹیں زاہد محمود کے نام رہیں۔

ول جیکس 31، کپتان بین اسٹوکس 30، جیمز اینڈرسن 7 ، اولی روبنسن 5 اور جیک لیچ بغیر کوئی رن بنائے آؤٹ ہوئے تھےجبکہ مارک ووڈ 36 رنز بناکر ناٹ آؤٹ رہے تھے۔