کراچی ٹیسٹ کے پانچویں روز نیوزی لینڈ کی پوزیشن مضبوط ہوگئی ہے جب کہ پاکستان اپنی دوسری اننگز میں مشکلات کا شکار دکھائی دے رہا ہے۔

پاکستان اور نیوزی لینڈ کی ٹیموں کے درمیان کراچی کے نیشنل بینک کرکٹ ایرینا میں پہلا ٹیسٹ میچ جاری ہے جس کے پانچویں دن کا کھیل آج کھیلا جارہا ہے۔

کراچی ٹیسٹ کی پہلی اننگز میں پاکستان نے 438 رنز بنائے تھے جس کے جواب میں نیوزی لینڈ کی ٹیم نے 9 وکٹوں کے نقصان پر 612 رنز پر اپنی اننگز ڈکلیئر کردی تھی۔

بعد ازاں پاکستان نے 174 رنز کے خسارے سے اننگز کا آغاز کیا اور سات وکٹوں کے نقصان پر 220 رنز بنالیے ہیں جب کہ پاکستان نے 46 رنز کی برتری حاصل کرلی ہے۔

سعود شکیل 5 اور محمد وسیم جونیئر 9 رنز بناکر کریز پر موجود ہیں جب کہ نیوزی لینڈ کی اب بھی دوسری اننگز باقی ہے۔

واضح رہے کہ اگر پاکستان جلدی آؤٹ ہوکر بڑا ہدف دینے میں ناکام رہتا ہے تو نیوزی لینڈ باآسانی ہدف حاصل کرکے جیت اپنے نام کرسکتا ہے۔