انگلش کرکٹر سیم بلنگز نے پاکستان سپر لیگ (پی ایس ایل) میں لاہور قلندرز کی ٹیم کو متبادل کھلاڑی کے طور پر جوائن کرلیا ہے۔

سیم بلنگز نے ٹوئٹر پر جاری اپنے بیان میں جوش و خروش کا اظہار کرتے ہوئے کہا کہ وہ پہلی بار پاکستان میں کھیلنے کے منتظر ہیں۔

سیم بلنگز نے کہا کہ ’لاہور قلندرز کی فیملی میں شامل ہونے پر بہت خوشی ہوئی! پہلی بار پاکستان میں کھیلنے کا انتظار نہیں کر سکتا۔‘

واضح رہے کہ لاہور قلندرز نے ہیری بروک، راشد خان اور جارڈن کاکس کی جگہ کوسل مینڈس، شین ڈیڈسویل اور احسن بھٹی کو بھی سائن کیا ہے جو پہلے تین میچز نہیں کھیل سکیں گے۔

پی ایس ایل کا آٹھواں ایڈیشن 13 فروری سے 19 مارچ 2023 کے درمیان چار مختلف مقامات پر کھیلا جائے گا جن میں راولپنڈی، کراچی، لاہور اور ملتان شہر شامل ہیں۔

ٹورنامنٹ کا آغاز 13 فروری کو دفاعی چیمپئن لاہور قلندرز اور 2021 کی فاتح ملتان سلطانز کے درمیان میچ سے ہوگا۔