کراچی میں پاکستان اور نیوزی لینڈ کے درمیان دوسرے ون ڈے میچ کے دوران ایک انوکھا واقعہ پیش آیا۔

تفصیلات کے مطابق  نیشنل بینک کرکٹ ایرینا (سابقہ نیشنل اسٹیڈیم کراچی) میں دو نوجوان تماشائیوں کو میچ  کے دوران میدان میں داخل ہو کر پاکستانی کرکٹر محمد رضوان کو گلے لگانا مہنگا پڑ گیا۔

مزید پڑھیں: دوسرا ون ڈے: نیوزی لینڈ کی سیریز میں واپسی، پاکستان کو 79 رنز سے شکست

پولیس نے دونوں تماشائیوں کو فوری طور پر گرفتار کرکے سرکار کی مدعیت میں عزیز بھٹی تھانے میں مقدمہ درج کر لیا۔

 پولیس حکام کا کہنا ہے کہ مقدمے میں ایس او پیز کی خلاف ورزی کی دفعات شامل کی گئی ہیں۔

مزید پڑھیں: ایک اور اعزاز نسیم شاہ کے نام، آسٹریلوی بولر کو پیچھے چھوڑ دیا

ایف آئی آر میں لکھا گیا ہے کہ  نوجوان تماشائی محمد جاوید اور محمد عباس سیکیورٹی حصار پھلانگ کر میدان میں داخل ہوئے۔  ملزمان نے سیکیورٹی حصار کو توڑ کر قانون کی خلاف ورزی کی۔

عزیز بھٹی تھانے کی پولیس نے گرفتار ملزمان کو تفتیشی حکام کے حوالے کر دیا۔