کوئٹہ کے بگٹی اسٹیڈیم میں آج پشاور زلمی اور کوئٹہ گلیڈی ایٹرز کی ٹیمیں پی ایس ایل کے نمائشی میچ میں مدمقابل ہیں۔

کوئٹہ کے بگٹی اسٹیڈیم میں27 سال بعد کرکٹ لوٹ آئی ہے جب کہ اس موقع پر بگٹی اسٹیڈیم تماشائیوں سے کھچا کھچ بھر گیا ہے اور ان کا جوش و خروش دیدنی ہے۔

بگٹی اسٹیڈیم میں کھیلے جانے والے پی ایس ایل کے نمائشی میچ میں پشاورزلمی اور کوئٹہ گلیڈی ایٹرز کی ٹیمیں مد مقابل ہیں۔

کوئٹہ کے بگٹی اسٹیڈیم میں سرفراز احمد کوئٹہ گلیڈی ایٹرز کی نمائندگی کر رہے ہیں جب کہ پشاور زلمی کی قیادت بابر اعظم کررہے ہیں۔

پی ایس ایل سے پہلے کوئٹہ میں کرکٹ کی واپسی پر شائقین پُرجوش دکھائی دے رہے ہیں جب کہ میچ سے قبل ہی تمام تر تیاریاں مکمل کرلی گئی تھیں۔

 اسٹیڈیم میں 19 ہزار افراد کی گنجائش ہے جبکہ میچ کے ٹکٹ 3 روز قبل ہی فروخت ہوچکے تھے۔

کوئٹہ میں پی ایس ایل کے نمائشی میچ  کے لیے سیکیورٹی کے سخت انتظامات کیے گئے ہیں۔ پولیس، ایف سی اور آر آر جی کے اہلکار سیکیورٹی کے فرائض انجام دے رہے ہیں۔