کینیڈا کی خواتین سوکر ٹیم نے ملک کے سوکر فیڈریشن کی جانب سے قانونی کارروائی کی دھمکیوں کی وجہ سے ہڑتال منسوخ کر دی ہے۔

غیر ملکی خبر رساں ادارے کی خبر کے مطابق کینیڈا کی خواتین سوکر ٹیم کی کپتان کرسٹین سنکلیئر نے فنڈنگ میں کٹوتی اور تنخواہوں میں کمی کے خدشات پر ہڑتال کی دھمکی دی تھی۔

سوکر فیڈریشن کینیڈا کی جانب سے ٹیم کے خلاف قانونی کارروائی کا عندیہ دیا گیا تھا، جس کے بعد ٹیم نے ہڑتال منسوخ کر دی۔

کینیڈا کی سوکر ٹیم کی قائد کرسٹین سنکلیئر نے کہا کہ ٹیم ہڑتال ختم کرنا چاہتی ہے کیونکہ کھلاڑی خطرات کی متحمل نہیں ہو سکتی۔

کرسٹین سنکلیئر نے مزید کہا کہ ٹیم ’شی بیلیوز کپ ٹورنامنٹ‘ کھیلے گی، اور 17 فروری کو ٹیم ملٹی ٹیم ٹورنامنٹ میں امریکہ سے مقابلہ کرے گی۔

کھلاڑیوں کی طرف سے گزشتہ روز جاری کردہ ایک مشترکہ بیان میں کہا گیا ہے کہ کینیڈا سوکر نے ہمیں بتایا ہے کہ وہ ہماری ملازمت کی کارروائی کو غیر قانونی ہڑتال سمجھتے ہیں.

کینیڈا سوکر نے کہا کہ وہ کھلاڑیوں کے تنظیم سازی کے حق کا احترام کرتا ہے لیکن وہ اونٹاریو کے لیبر قانون کے تحت قانونی ہڑتال کی پوزیشن میں نہیں تھے اور نہیں ہیں.

ٹیم کی کپتان کرسٹین سنکلیئر نے ٹویٹر پر لکھا کہ ہمیں مختصر مدت کے لیے دوبارہ کام کرنے پر مجبور کیا جا رہا ہے۔