پاکستان کرکٹ ٹیم کے فاسٹ بولر شاہ نواز دھانی نے سوشل میڈیا پر بیان جاری کیا جس پر پی سی بی مینجمنٹ کمیٹی ناراض ہوگئی ہے۔

ذرائع کے مطابق شاہ نواز دھانی کی جانب سے سوشل میڈیا پر دیے جانے والے بیان پر پی سی بی مینجمنٹ کمیٹی نالاں ہے اور پی سی بی نے کھلاڑی سے بازپرس کرنے کا فیصلہ کیا ہے۔

واضح رہے کہ ایشیاکپ 2023 اور افغانستان سیریز میں منتخب نہ ہونے پر شاہ نواز دھانی نے صحافیوں اور پی سی بی کو تنقید کا نشانہ بنایا تھا۔

سوشل میڈیا پر جاری بیان میں شاہ نواز دھانی کا کہنا تھا کہ ’’لگتا ہے دھانی پاکستانی بولر نہیں ہے، چیف سلیکٹر کی پریس کانفرنس میں کسی صحافی نے میرے بارے میں سوال پوچھنے کی ہمت نہیں کی۔

یاد رہے کہ چیف سلیکٹر انضمام الحق نے گزشتہ روز ایشیاکپ 2023 اور افغانستان کے خلاف سیریز کے لیے قومی اسکواڈ کا اعلان کیا تھا جس میں شاہ نواز دھانی کا نام شامل نہیں۔

پی سی بی کی جانب سے اعلان کردہ 17 رکنی اسکواڈ میں کپتان بابراعظم، شاداب خان (نائب کپتان)، عبداللہ شفیق، فخرزمان، امام الحق، محمد رضوان، محمد حارث، سلمان علی آغا، افتخار احمد، طیب طاہر، محمد نواز، اسامہ میر، فہیم اشرف، محمد وسیم جونیئر، حارث رؤف، نسیم شاہ اور شاہین آفریدی شامل ہیں۔

افغانستان کے خلاف سیریز کے لیے 18 رکنی اسکواڈ میں مڈل آرڈر بلے باز سعود شکیل کو بھی شامل کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/225493/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/225493/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں