سابق کپتان مصباح الحق کو پاکستان کرکٹ بورڈ کی ہائی پروفائل کرکٹ ٹیکنیکل کمیٹی کا سربراہ مقرر کردیا گیا ہے۔

پاکستان کرکٹ بورڈ کے مطابق مصباح الحق کو پاکستان کرکٹ بورڈ کی ہائی پروفائل کرکٹ ٹیکنیکل کمیٹی (سی ٹی سی) کا سربراہ مقرر کیا گیا ہے۔

پی سی بی کے مطابق سابق کپتان انضمام الحق اور محمد حفیظ کمیٹی ممبران میں شامل ہوں گے جب کہ ٹیکینکل کرکٹ کمیٹی قومی ٹیم کے کوچز کے انتخاب کے لیے تجاویز دے گی۔

کمیٹی نئی سلیکشن کمیٹیوں کے تقرر کا بھی اختیار رکھتی ہے جب کہ ڈومیسٹک ڈھانچہ، قومی ٹیموں کی شیڈولنگ، پلیئنگ کنڈیشنز، سینٹرل اور ڈومیسٹک کنٹریکٹس کی بھی ذمہ دار ہوگی۔

ترجمان پی سی بی کا کہنا ہے کہ کرکٹ آپریشنز جنید ضیا سی ٹی سی کے سابقہ رکن کے طور پر شامل ہیں، عثمان تسلیم بطور سابق اور سیکرٹری ہوں گے۔

سی ٹی سی کے پاس اضافی کرکٹ ماہرین کو مدعو کرنے کے اختیارات ہوں گے، کمیٹی سربراہ پی سی بی مینجمنٹ کمیٹی کے سربراہ کو مستقل بنیادوں پر رپورٹ کرے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/333341/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/333341/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں