بھارتی کھلاڑی روی چندرن ایشون نے ایشیاکپ 2023 کے لیے پاکستان ٹیم کو فیورٹ قرار دے دیا ہے۔

یوٹیوب چینل پر گفتگو کرتے ہوئے بھارتی کھلاڑی روی چندرن ایشون نے پاکستان ٹیم کو مضبوط قرار دیتے ہوئے ایشیاکپ 2023 کے لیے بھی فیورٹ قرار دیا ہے۔

انہوں نے حال ہی میں ایشیاکپ کے ٹی ٹوئنٹی فارمیٹ کی فاتح ٹیم سری لنکا کو نظر انداز کیا جب کہ پاکستان اور بھارت کی ٹیم کو پسندیدہ قرار دیا۔

بھارتی کھلاڑی نے کہا کہ پاکستان ٹیم کی جیت کا انحصار ان کے کپتان بابر اعظم اور وکٹ کیپر محمد رضوان کی آنے والے مہینوں میں مسلسل کارکردگی پر ہے۔

ان کا کہنا تھا کہ دونوں کھلاڑیوں کی کارکردگی ممکنہ طور پر ایشیاکپ اور ون ڈے ورلڈ کپ میں مخالفین کے لیے اہم چلنجز کا باعث بن سکتی ہے۔

روی چندرن ایشون کہتے ہیں کہ ’’اگر بابر اعظم اور محمد رضوان تسلسل کے ساتھ پرفارم کرتے ہیں تو پاکستان ٹیم ایشیاکپ اور ورلڈ کپ میں مخالف ٹیم کے لیے خطرناک ثابت ہوگی جب کہ پاکستان کی ایک غیر معمولی ٹیم ہے‘‘۔

انہوں نے بتایا کہ پاکستان نے ہمیشہ غیر معمولی کرکٹرز پیدا کیے ہیں اور ٹیپ بال کرکٹ کی وجہ سے ان کے پاس ہمیشہ فاسٹ بولرز آتے رہے ہیں۔

بھارتی کھلاڑی کہتے ہیں کہ 90 اور 2000 کی دہائی کے آخر میں ان کی بیٹنگ خاص رہی ہے لیکن گزشتہ 5،6 سالوں میں مختلف لیگز کھیلنے کی وجہ سے ایک مرتبہ پھر ان کے بلے باز ابھر کر سامنے آئے ہیں۔

انہوں نے مزید کہا کہ پاکستان کے پاس اب پی ایس ایل ہے جب کہ حالیہ بی بی ایل ڈرافٹ میں بھی ان کے 60 سے 70 کھلاڑی شامل تھے۔

واضح رہے کہ ایشیاکپ 2023 کا آغاز آج سے ہوگیا ہے جس کا افتتاحی میچ پاکستان اور نیپال کے درمیان جاری ہے جب کہ اس سے قبل پاکستان نے ون ڈے سیریز میں افغانستان کو وائٹ واش کیا ہے۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/08/707469/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/08/707469/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں