ایشیاکپ 2023 کے سپر فور مرحلے کے میچ میں بھارت نے سری لنکا 41 رنز سے شکست دے دی۔

بھارت اور سری لنکا کی ٹیموں کے درمیان ایشیاکپ 2023 کے سپر فور مرحلے کا میچ کولمبو میں کھیلا گیا جس میں بھارت نے 41 رنز سے کامیابی اپنے نام کی۔

India overcome Dunith Wellalage's fighting all-round show to notch up second win in the Super 4 stage of #AsiaCup2023 👌#INDvSL 📝: https://www.bolnews.com/urdu/sports/2023/09/307515/amp/ pic.twitter.com/UzWLGenICC

— ICC (@ICC) September 12, 2023

بھارت نے پہلے بیٹنگ کرتے ہوئے سری لنکا کو جیت کے لے 214 رنز کا ہدف دیa جس کے جواب میں سری لنکا کی ٹیم 41.3 اوورز میں 172 رنز پر ڈھیر ہوگئی۔

سری لنکا کی بیٹنگ

سری لنکا کی جانب سے دونتھ ویلالیگے نے بولنگ کے بعد بیٹنگ میں بھی عمدہ کارکردگی کا مظاہرہ دکھاتے ہوئے 42 رنز کی اننگز کھیلی جب کہ دھننجایا ڈی سلوا 41 رنز بناکر آؤٹ ہوئے۔

علاوہ ازیں سری لنکا کی جانب سے پاتھم نسانکا 6، دیموت کرونارتنے 2، کشال مینڈس 15، سدیرا سمراوکرما 17، چارتھ اسالنکا 22 اور کپتان دسون شناکا 9 رنز ہی بناسکے۔ مہیش تیکھشانا 2، کاسون راجیتھا 1 اور ماتھیشا پاتھیرانا صفر پر آؤٹ ہوگئے۔

بھارت کی بیٹنگ

بھارت کی جانب سے کپتان روہت شرما اور شبھمن گل نے اچھا آغاز فراہم کیا تاہم بھارت کی پہلی وکٹ 80 رنز کے مجموعی اسکور پر گری جب شبھمن گل 19 رنز بناکر آؤٹ ہوئے۔

بعد ازاں روہت شرما 53، ویرات کوہلی 3، ایشان کشن 33، کے ایل راہول 39 رنز، ہاردک پانڈیا 5، رویندرا جڈیجا 4، جسپریت بمراہ 5، کلدیپ یادیو صفر اور اکشر پٹیل 26 رنز بناکر آؤٹ ہوئے جب کہ محمد سراج 5 رنز بناکر ناٹ آؤٹ رہے۔

سری لنکن بولرز کی تباہ کن بولنگ کی بدولت بھارت کی ٹیم 49.1 اوورز میں 213 رنز پر ڈھیر ہوگئی۔ سری لنکا کی طرف سے ڈونتھ ویلالجے نے 5، چارتھ اسالنکا نے 4 اور مہیش تھیکشنا نے ایک کھلاڑی کو آؤٹ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/sports/2023/09/307515/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/sports/2023/09/307515/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں