قومی فاسٹ بولر حارث رؤف کی بچوں کے ساتھ کرکٹ کھیلنے کی ویڈیو وائرل ہورہی ہے۔

پاکستان کرکٹ ٹیم کے مایہ ناز فاسٹ بولر حارث رؤف ان دنوں شمالی علاقہ جات میں نظر آرہے ہیں، جہاں سے انہوں نے بچوں کے ساتھ کرکٹ کھیلنے کی ویڈیو شیئر کی۔

Their smiles are priceless! 🌟 pic.twitter.com/sOYb917svM

— Haris Rauf (@HarisRauf14) December 3, 2023

فاسٹ بولر نے سماجی رابطے کی سائٹ ایکس پر ویڈیو شیئر کرتے ہوئے لکھا ’’ان کی مسکراہٹیں انمول ہیں!‘‘۔

ویڈیو میں دیکھا جاسکتا ہے کہ حارث رؤف کے ہمراہ ان کی اہلیہ بھی موجود ہیں جب کہ اس موقع پر قومی کرکٹر نے نیلے رنگ کی ٹوپی اور سیاہ رنگ کا لباس زیب تن کیا ہوا تھا۔

خیال رہے کہ حارث رؤف نے ورک لوڈ اور فٹنس مسائل کے سبب آسٹریلیا کے خلاف ٹیسٹ سیریز کے لیے عدم دستیابی ظاہر کی تھی۔

پاکستان کرکٹ ٹیم دورہ آسٹریلیا پر تین ٹیسٹ میچز کھیلے گی جو 14 دسمبر 2023 سے 7 جنوری 2024 تک کھیلے جائیں گے۔

واضح رہے کہ اگر حارث رؤف دورہ آسٹریلیا کے لیے قومی اسکواڈ میں شامل ہوتے تو وہ بگ بیش لیگ نہیں کھیل سکتے تھے کیونکہ اس کا آغاز 13 دسمبر سے ہونا ہے جو 4 فروری تک جاری رہے گی۔