چیئرمین پاکستان کرکٹ بورڈ محسن نقوی سے ہاکی کے سابق قومی کھلاڑیوں شہباز سینئر اور خواجہ جنید کی ملاقات کی۔

شہباز سینئر اور خواجہ جنید نے چیمپئنز ٹرافی پر چئیرمین پی سی بی محسن نقوی  کے اصولی موقف کو سراہتے ہوئے کہا کہ کرکٹ اسٹرکچر تیزی سے آپ نے درست کیا ہے، اسی رفتار سے ہاکی کے سسٹم کو ٹھیک کرنے کی ضرورت ہے۔

ملاقات میں ہاکی کے کھیل کے فروغ کے لیے پائیدار بنیادوں پر اقدامات پر تبادلہ خیال کیا گیا۔

اس موقع پر چیئرمین پی سی بی محسن نقوی نے ہاکی کے کھیل کے لیے اپنے ہر ممکن تعاون کی یقین دہانی کراتے ہوئے کہا کہ ہاکی پاکستان کا قومی کھیل ہے اور پاکستانی ہاکی ٹیم کا ماضی درخشاں تاریخ سے عبارت ہے، جبکہ ہاکی کی عظمت رفتہ کی بحالی کے لیے ہورا تعاون کریں گے۔

ملاقات میں شہباز سینئر اور خواجہ جنید نے جرمن اور نیدرلینڈ کے ہاکی کلبز کے دورے کی تفصیلات سے آگاہ کیا، اس کے علاوہ دونوں پلیئرز نے مارچ میں جرمن نیشنل جونیئر ہاکی ٹیم کے دورہ پاکستان کے بارے بریف کیا۔