قومی کھلاڑی بابر اعظم، شاہین شاہ آفریدی اور شاداب خان نے پی ایس ایل فینز ایوارڈ اپنے نام کرلیے۔

پاکستان سپر لیگ سیزن 10 کی ڈرافٹنگ کی رنگارنگ تقریب لاہور میں جاری ہے جس دوران پی ایس ایل فینز ایوارڈ کا بھی اعلان کیا گیا۔

پاکستان کے مایہ ناز بیٹر بابر اعظم نے بہترین بلے باز کا ایوارڈ اپنے نام کیا جب کہ بہترین بولر کا ایوارڈ شاہین شاہ آفریدی اور بہترین آل راؤنڈر کا ایوارڈ شاداب خان کے نام رہا۔

یاد رہے کہ پی ایس ایل 10 کی ڈرافٹنگ کی تقریب جاری ہے جس میں ٹیموں کی جانب سے کھلاڑیوں کا انتخاب کیا جارہا ہے۔

پی ایس ایل 10 کے مہنگے ترین کھلاڑی ڈیوڈ وارنر رہے، جنہیں تین لاکھ ڈالر میں کراچی کنگز نے پلاٹینم کیٹیگری میں منتخب کیا۔

واضح رہے کہ پی ایس ایل 10 کا آغاز رواں سال اپریل میں ہوگا جس کے میچز کراچی، لاہور، ملتان اور روالپنڈی میں کھیلے جائیں گے۔