پاکستان سپر لیگ سیزن 10 کے پہلے کوالیفائر میچ میں کوئٹہ گلیڈی ایٹرز نے اسلام آباد یونائیٹڈ کو 30 رنز سے شکست دے کر فائنل کے لیے کوالیفائی کر لیا۔

لاہور میں کھیلے گئے میچ میں یونائیٹڈ کی ٹیم 210 رنز کے ہدف کے تعاقب میں 20 ویں اوور میں 179 رنز بنا کر آؤٹ ہوگئی۔ گلیڈی ایٹرز کی ٹیم نے شاندار باؤلنگ کا مظاہرہ کرتے ہوئے یونائیٹڈ کو ہرا کر کامیابی حاصل کی۔

یونائیٹڈ کی جانب سے صاحبزادہ فرحان نے 52 رنز کی اننگز کھیلی اور ٹیم کی جانب سے سب سے زیادہ رنز بنائے۔ دیگر کھلاڑیوں میں سلمان آغا 44، رسی وین ڈر ڈوسین 35 اور کپتان شاداب خان 16 رنز کے ساتھ نمایاں رہے۔ عماد وسیم 5، جیمی نیشم 1 اور نسیم شاہ و ایلکس ہیلز بغیر کوئی رن بنائے آؤٹ ہوگئے۔

گلیڈی ایٹرز کی باؤلنگ میں عثمان طارق نے 3 وکٹیں حاصل کیں، جبکہ محمد عامر اور فہیم اشرف نے 2، 2 وکٹیں حاصل کیں۔ ابرار احمد اور محمد وسیم نے بھی 1، 1 وکٹ حاصل کی۔

پہہلے کھیلتے ہوئے کوئٹہ گلیڈی ایترز کے دنیش چندیمل نے 29 بالز پر49، فہیم اشرف نے 23 بالز پر45 جبکہ فن ایلن نے27 بالز پر41رنز بنائے۔

اسلام آباد یونائیٹڈ کے سلمان ارشاد نے 2 ،بین ڈیوارشو نے 2 جبکہ عماد اور شاداب نے ایک ایک کھلاڑی آؤٹ کیے۔

اس سے قبل ٹاس کے موقع پر کوئٹہ گلیڈی ایٹرز کے کپتان سعود شکیل نے بتایا کہ ٹیم میں 3 تبدیلیاں کی گئی ہیں، فن ایلن، رائلی روسو اور محمد عامر کی کوئٹہ گلیڈی ایٹرز میں واپسی ہوئی ہے۔

کپتان کوئٹہ گلیڈی ایٹرز کہتے ہیں کہ ہماری ٹیم اچھی کرکٹ کھیل رہی ہے، کوشش کریں گے کہ آج بھی اچھی کرکٹ کھیلیں۔