ساجد خان اور نعمان علی منفرد ریکارڈ قائم کرنے والی دوسری پاکستانی  جوڑی بن گئے۔

ملتان میں  انگلینڈ کے خلاف کھیلے گئے ٹیسٹ میچ میں آف اسپنر ساجد خان اور لیفٹ آرم اسپنر نعمان علی نے تمام 20 وکٹیں حاصل کرکے منفرد ریکارڈ قائم کیا۔

اس سےقبل چھ مرتبہ ایسا ہوچکا ہے تاہم  1972 کے بعد یہ پہلا موقع ہے جب مخالف ٹیم کی تمام 20 وکٹیں  صرف دو اسپن بولرز نے حاصل کی ہوں۔

ساجد خان نے 9 (پہلی اننگز میں 7 اور دوسری اننگز میں 2) اور نعمان علی نے 11 (پہلی اننگز میں 3 اور دوسری  اننگز میں 8) ) وکٹیں حاصل کیں۔

ساجد خان اور نعمان علی سے قبل پاکستان کے فضل محمود اور خان محمد 1956 میں کراچی ٹیسٹ میں آسٹریلیا کے خلاف یہ کارنامہ انجام دے چکے ہیں۔