دنیابھرمیں قانون نافذ کرنےوالےادارے تفتیشی عمل ،جرائم کی روک تھام اورملزم کی شناخت کےلئےسراغ رساں کتوں کااستعمال  کررہےہیں۔

 تاہم حال ہی امریکامیں پولیس ڈیپارٹمنٹ نے جرائم کی روک تھام کے لیےجدید ٹیکنالوجی سے روبوٹک کتا متعارف کرایاہے۔

غیرملکی میڈیاکےمطابق امریکاکی میساچوسٹس اسٹیٹ پولیس نے حال ہی میں’بوسٹن ڈائنامکس ‘ کاتجربہ کیاہےجسے جرائم کے خلاف لڑنےکےلیےاستعمال کرنے کی جانچ کی جارہی ہے۔

یہ روبوٹک کتاموبائل ریموٹ آبزرویشن ڈیوائس کی حیثیت سے کام کرے گا۔

 پولیس کے مطابق یہ روبوٹ مسلح نہیں ہے تاہم یہ کارآمد مقاصد میں استعمال کیا جاسکتا ہے جن میں مشتبہ افراد کو چھپی ہوئی جگہ سے ڈھونڈنا، مشکوک اشیاء کی تحقیقات کرنا اور جرائم کے مناظر کی چھان بین کرناہے۔

پولیس ڈیپارٹمنٹ کاکہنا ہےکہ اس وبوٹ کتےکوایسے حالات میں استعمال کیاجاسکےگاجو انسانوں کے لیےجان لیوایاخطرناک ہوں گے، یہ اپنے روبوٹک بازوؤں اور پرسیپشن سینسر کی مدد سے اشیاء کو چُننے اورجوڑتوڑ کرنے کے لیے کام کرے گا۔

پولیس ترجمان  ڈیوڈپروکوپیو    نے  خیال   ظاہر کیا  کہ  جرائم سے لڑنے کے لیے یہ روبوٹ ٹیکنالوجی کارآمد ہوگی اور قانون نافذ کرنے والے اداروں کے لیے روبوٹ ٹیکنالوجی ایک قیمتی ذریعہ ہے۔

’بوسٹن ڈائنامکس سپاٹ‘اگلے 5 سے 10 سالوں میں پولیس اور قانون نافذ کرنے والی دوسری ایجنسیوں کی فرسٹ رسپانڈنگ ٹیموں کا اہم حصہ ہوگا۔