گوگل،ایپل،ٹک ٹاک ، فیس بک کےبعدکوروناوائرس کےحوالےسےاب انسٹاگرام بھی صارفین کوآگاہی فراہم کرےگا۔

 تفصیلات کےمطابق فیس بک کےزیرِملکیت ایپ انسٹاگرام نےبھی کوروناسےمتعلق آگاہی پھیلانےکےلیےاحسن قدم اٹھالیا ہے۔

غیر ملکی خبر رساں ادارے کےمطابق تصاویراورویڈیو شیئرنگ ایپ انسٹاگرام اب کوروناسے متعلق خبروں کابھی ذریعہ بنےگی اور صارفین کو کوروناسے بچاؤسےمتعلق احتیاطی تدابیران کی نیوزفیڈ پرفراہم کرے گی۔

انسٹاگرام پرنیوزفیڈکےاوپری حصے پرایک نیاحصہ شامل کیا گیاہےجہاں عالمی ادارہ صحت (ڈبلیو ایچ او) اورمقامی وزارتِ صحت کی جانب سے جاری کی جانےوالی معلومات نظرآئےگی۔

رپورٹس کےمطابق انسٹاگرام پراس نئےمعلوماتی ٹیب پرایک پیغام نظرآئےگاجس میں عالمی ادارۂ صحت کی جانب سےجاری کی جانے والی کوروناسےبچاؤسےمتعلق تازہ ترین معلومات نظرآئے گی۔

واضح رہے کہ اس سےقبل انسٹاگرام پرسرچ بارپرآنے والی جعلی اورغیرتصدیق شدہ تجاویزکوایپ سے ہٹادیا گیاتھا جبکہ فیس بک اور انسٹاگرام دونوں پر کورونا وائرس سے متعلق فروخت کی جانے والی چیزوں کے اشتہارات کو بھی ہٹایاگیا تھا۔