امریکاکی عالمی شہرت یافتہ آن لائن ریٹیل کمپنی ایمازون کےملازمین بھی کرونا وائرس میں مبتلا ہوگئے۔

غیرملکی خبر رساں ایجنسی کے مطابق ایمازون کمپنی کےترجمان نےاپنے ایک ملازم میں کروناوائرس کی تصدیق کی ہے۔

ترجمان ایمازون کے مطابق امریکا میں ایمازون کے ساؤتھ لیک یونین آفس کے ایک ملازم میں وائرس کی علامات تھیں جس کے ٹیسٹ نتائج مثبت ثابت ہوئے۔

ترجمان نےمزیدبتایاکہ کروناوائرس سےمتاثر ہونےوالےملازم کو قرنطینہ میں رکھا گیا ہے جس کوکمپنی کی جانب سے مکمل تعاون فراہم کیا جارہا ہے۔

انہوں نے مزید بتایا کہ متاثرہ ملازم کے ساتھ کام کرنے والے ساتھیوں کو بھی اس حوالے سے آگاہ کردیا گیا ہے۔

دوسری جانب مائیکرو بلاگنگ سائٹ ٹوئٹر کمپنی نے کرونا وائرس کے پھیلنے کے خدشے کے باعث اپنے ملازمین کو گھروں  سے  کام  کرنےکی  ہدایت  کی  ہیں ۔

اس حوالےسے ٹوئٹرایچ آرسربراہ جینیفرکرسٹی کا کہناہےکہ ہمارا مقصد کووڈ-19 کو ہم میں اور پوری دنیا میں پھیلنےسےبچانا ہے۔

گزشتہ  برس دسمبر میں چین کے شہر ووہان سے سامنے آنے والا کرونا وائرس پاکستان سمیت دنیا کے 80 ممالک کو اپنی لپیٹ میں لے چکا ہے ۔

دنیا بھرمیں کروناوائرس کے 90 ہزار سے زائد مریض سامنے آ چکے ہیں جن میں سے زیادہ تعداد چین میں ہے لیکن ایران، اٹلی، جنوبی کوریا اور امریکا میں وائرس سے مزید ہلاکتیں سامنے آنے کے بعد مختلف ممالک نے نئے قرنطینہ زونز اور سفری پابندیاں لگانے پر غور شروع کر دیا ہے۔