واٹس ایپ کی جانب سے ایک نیا فیچر متعارف کرایا گیا ہے جس کا باقاعدہ اعلان اسٹوری کے ذریعے کیا گیا ہے۔

واٹس ایپ انتظامیہ کی جانب سے اسٹوری میں ’ڈس اپیئرنگ موڈ‘ متعارف کرانے کے حوالے صارفین کو آگاہ کیا گیا ہے۔

اس فیچر کے حوالے سے واٹس ایپ نے بتایا ہے کہ  اس فیچر کی مدد سے چیٹ کے دوران بھیجی جانے والی تمام تصاویر اور ویڈیوز صر ف ایک بار دیکھی جاسکیں گی۔

اس فیچر کو استعمال کرنے کے لئے واٹس ایپ نے ایک تفصیلی ویڈیو بھی شیئر کی ہے تاکہ صارفین اس فیچر کو استعمال کرنے کا طریقہ اچھی طرح جان لیں۔

واضح رہے کہ اس فیچر کے استعمال کے ساتھ بھیجی جانے والی تمام تصاویر اور ویڈیوز کسی دوسرے صارف کے  موبائل میں محفوظ نہیں ہوسکیں گی اور نا ہی کسی کو آگے بھیجی جاسکتی ہیں۔

اسکے علاوہ اگر کوئی موصول ہونے والی تصاویر یا ویڈیوز اگلے 14 روز تک نہیں کھولتا ہے تو یہ خودکار طور پر غیرفعال ہوجائے گی تاہم بیک اپ میں ضرور آئیگی۔

خیال رہے کہ اس فیچر سے فائدہ حاصل کرنے کے لئے ہر بار تصاویر اور ویڈیوز بھیجتے ہوئے اس موڈ کا انتخاب ضروری ہے۔

واٹس ایپ کی جانب سے یہ فیچر صارفین کی پرائیوسی اور سیکیورٹی خدشات کو مدنظر رکھتے ہوئے متعارف کرایا گیا ہے۔