مشہور کارٹون ٹام اینڈ جیری کی ایک قسط میں ایک ایسا جدید دور دِکھایا گیا تھا جس میں روبوٹ تمام کام کر رہے تھے، اِس ہی قسط میں ایک ایسی مشین دِکھائی گئی تھی جس میں روبوٹک بازو برگر بنا رہے تھے۔

کارٹون میں دِکھائے جانے والے اس خیال نے اب حقیقت کا روپ دھار لیا ہے۔

امریکا کی جرسی سٹی میں اب ایک برگر وینڈنگ مشین کا افتتاح کیا گیا ہے جو 6.99 ڈالرز کی قیمت میں چھ منٹ کے اندر تازہ برگر فراہم کرے گا۔

اس مشین کے بنانے والوں نے اس کو چھوٹا ریسٹورانٹ قرار دیتے ہوئے کہا ہے کہ یہ مشین اُس ہی طریقہ کار کی پیروی کرتی ہے جو روایتی ریسٹورانٹ میں شیف کی جانب سے اپنایا جاتا ہے۔

ان کا کہنا تھا کہ روبو برگر، چھ منٹ کے لیے ذاتی شیف کے ہونے جیسا ہے۔ جس کی تمام تر توجہ آپ کا برگر بنانے پر مرکوز ہوتی ہے۔ جس کا کباب باقاعدگی سے گرِل ہوا ہوتا ہے اور اس کے تازہ ٹوسٹ کیے ہوئے بن ہوتے ہیں۔

یہ وینڈنگ مشین عام برگر بنانے کے لیے مصنوعی ذہانت کا استعمال کرتے ہوئے پانچ قدم کا عمل کرتا ہے۔

وینڈنگ مشین کے سامنے کی طرف ایک ٹچ اسکرین ہے جہاں گاہک اپنی ٹاپنگ اور چٹنیوں کا انتخاب کر سکتے ہیں۔