اے آئی ٹیکنالوجی دنیا کے ہر فرد کو ملازمت سے محروم کر دے گی، ایلون مسک
ٹیسلا، اسپیس ایکس اور ایکس کے مالک ایلون مسک نے کہا ہے کہ آرٹی فیشل انٹیلی جنس (اے آئی) ٹیکنالوجی دنیا کے ہر فرد کو ملازمت سے محروم کر دے گی۔
لنکا شائر ہاؤس میں برطانوی حکومت کے ایک ایونٹ سے خطاب کرتے ہوئے ایلون مسک نے کہا کہ یہ کہنا تو مشکل ہے کہ کب ایسا ہوگا، مگر ایک وقت ایسا ضرور آئے گا جب ملازمت کی ضرورت نہیں ہوگی۔
انہوں نے کہا کہ اے آئی ٹیکنالوجی ہر کام کرنے کے قابل ہوگی، میں نہیں جانتا کہ اس سے لوگ خوش ہوں گے یا نہیں، مگر یہ مستقبل کا ایک بڑا چیلنج ہوگا کہ ہم اپنی زندگی کا مقصد کیسے تلاش کریں۔
ان کا کہنا تھا کہ اے آئی ٹیکنالوجی تاریخ کی سب سے زیادہ انتشار انگیز طاقت بن سکتی ہے۔
واضح رہے کہ ماضی میں بھی ایلون مسک متعدد بار اے آئی ٹیکنالوجی کو انسانیت کے لیے خطرہ قرار دے چکے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/technology/2023/11/370863/amp/ کو لائک کریں
ٹوئٹر پر ہمیں فولو کریں https://www.bolnews.com/urdu/technology/2023/11/370863/amp/ اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News