ایرانی ملکہ حسن بہارےزارےکی جانب سےفلپائنی دارالحکومت منیلا کے ائیرپورٹ پرگرفتاری کے بعدکینیڈین حکومت سےپناہ لینےکی درخواست کردی گئی۔

غیرملکی خبررساں ایجنسی کے مطابق ایرانی حسینہ کوتہران میں موجود مُلاتنظیم کی جانب سے شدید تنقید کا سامناتھا، بہارے گزشتہ 3ہفتوں سےمنیلا میں ایرانی حکومت کی درخواست پرزیرحراست ہیں۔

ایرانی حسینہ بہارے کا کہاہے کہ اگر ناہیں ایران ڈی پورٹ کردیا گیا تو انہیں قیداورپھانسی کا ڈرہے۔بہارے کا کینیڈین حکومت سے پناہ کی درخواست کرتےہوئے کہناہے کہ ’فلپائن محفوظ ٹھکانہ نہیں، اسلیے کینیڈین حکومت سے درخواست ہے کہ مجھےوہاں پناہ دی جائے تاکہ میں خود کومحفوظ اور آزادسمجھ سکوں۔ میری درخواست محض میری حفاظت ہے‘۔

انسانی حقوق کی تنظیم ون فری ورلڈانٹرنیشنل کاکہناہے کہ ایران انٹرپول سےحکومت کیخلاف تنقید کرنےوالوں کوتنگ کرنےکیلئے سازش کررہاہے۔

ون فری ورلڈانٹرنیشنل کاکہناہے کہ ایران نےانٹرپول سےریڈنوٹس جاری کروانے کیلئےایرانی حکومت پرحملے کاالزام بھی لگایاہے، جس کے باعث بہارے پر فلپائن میں دوبارہ داخلےپر بھی پابندی لگ سکتی ہے۔

 ایرانی حسینہ بہارےفلپائن میں ڈینٹل میڈیسن کی طالبہ ہیں اور 2018کےمنیلا میں ہونے والے مقابلہ حسن میں ایران کی نمائندگی کرچکی ہیں۔

واضح رہے کہ فلپائنی حکومت کی جانب سےبہارے کی پناہ کی درخواست پہلے ہی مسترد کی جاچکی ہے۔