موٹاپے کا شکار شخص کی زندگی پر مبنی فلم فیٹ مین  نا مور مزاحیہ اداکار احمد علی بٹ نے سائن کرلی ہے۔

تفصیلات کے مطابق ہدایت کار وپروڈیوسر نبیل قریشی اورفضا علی مرزا کی فلم ’’فیٹ مین‘‘ میں اداکار احمد علی بٹ مرکزی کردار ادا کریں گے۔

ذرائع کے مطابق احمد علی بٹ نے سما جی تعلقات کی ویب سائٹ پراپنی نئی فلم’’فیٹ مین‘‘ کا پوسٹر شیئر کرتے ہوئےکہا ہے کہ انہوں نےبطور مرکزی اداکار اپنے کیریئر کی پہلی فلم’’فیٹ مین‘‘سائن کرلی ہے۔

See more

احمد بٹ نے مزید کہا کہ اس فلم کی ہدایت کاری پاکستان کے معروف ہدایت کار نبیل قریشی دیں گے جب کہ فضا علی مرزا اسے پروڈیوس کررہی ہیں۔

حال ہی میں ایک ٹی وی انٹرویو کے دوران احمد علی بٹ نے اپنی اس فلم کے دلچسپ نام ’’فیٹ مین‘‘ کے حوالے سے بتاتے ہوئے کہا تھا کہ  یہ فلم موٹاپے کا شکار شخص کے ساتھ روا رکھے جانے والے معاشرتی رویوں کے گرد گھومتی ہے جسے ہمارے معاشرے میں زیادہ اہمیت نہیں دی جاتی۔

اس فلم میں جذبات اور گھریلو رشتوں کو بھرپور انداز میں پیش کیا جائے گا اس کے علاوہ فلم میں دکھایاجائے گا کہ موٹاپے کا شکار شخص اپنی زندگی میں کس طرح کے مسائل کا سامنا کرتا ہے۔

 احمد علی بٹ نے کہا کہ یہ فلم سپر ہیروز کے بارے میں لوگوں کا نظریہ بدل دے گی۔