نامور خوبرو پا کستانی اداکارہ و ما ڈل سارہ لورین نے کہا ہےکہ اس وقت پاکستانی ڈراما اپنے عروج پرہے۔

تفصیلات کے مطابق سارہ لو رین نے کہا کہ جس طرح ماضی میں پاکستانی ڈرامے کوپسند کیاجاتا تھا، اسی طرح آج بھی پاکستانی ڈراما پاکستان اوردنیا کے بیشترممالک میں دیکھا اورپسند کیا جاتا ہے جو کہ پا کستانی ڈرامے کی کا میابی ہے۔

سارہ لورین نے کہا کہ ٹی وی سے وابستہ لوگوں نے فلم کے شعبے کی بحالی کیلئے جوقدم اٹھایا ہے وہ بہترین ہے، اب فلم سے وابستہ افراد کوبھی چاہئے کہ وہ ان کی سپورٹ کریں اوراس عمل میں ان کے شانہ بشانہ چلیں، تاکہ فلم کا شعبہ ترقی کرے۔

اداکارہ نے کہا کہ پاکستان فلم انڈسٹری کوترقی کی راہ پرآگے بڑھنے کیلئے ابھی بہت سی منزلیں طے کرنا ہوں گی،ابھی یہاں فلمسازی کا نیا دور شروع ہوا ہے لیکن بہت سے مسائل کا سامنا ہے، جس کے حل تک انٹرنیشنل مارکیٹ میں رسائی ممکن نہیں۔

سارہ لورین نے مزید کہا کہ یہ کہنا درست نہیں کہ پاکستان فلم انڈسٹری اب مکمل طورپرشائقین کے دل ودماغ پرچھا چکی ہے ابھی اس کیلئے نوجوان فلم میکرز کوخاصی محنت کرنا ہوگی۔