وزیرمملکت برائےانسداد منشیات شہریارآفریدی کاکہناہےکہ حکومت چرس سےدوا ئیاں بنانےکےمنصوبے پرکام کررہی ہے۔

تفصیلات کےمطابق وزیر مملکت برائےانسداد منشیات شہریارآفریدی نے کوہاٹ میں خاطب کرتےہوئےکہاہےکہ وزیراعظم عمران خان کی خواہش ہے کہ خیبرپختونخواکےعلاقےوادی تیراہ میں چرس سےدوا بنانےکی فیکٹری کھولی جائے۔

شہریارآفریدی کی ایک ویڈیو سوشل میڈیاپرتیزی سےوائرل ہورہی ہے جس میں وہ لوگوں سےپشتو زبان میں خطاب کرتے ہوئے کہہ رہےہیں کہ وزیراعظم عمران خان کی خواہش ہےکہ وادی تیراہ میں چرس سےدوابنانے کی فیکٹری کھولی جائے۔

انہوں نےمزیدکہاکہ ہرسال بڑی مقدارمیں چرس اورافیون جلا دی جاتی ہے، دنیا کےدیگر ملک منشیات سےدوائیں بناتےہیں، فیکٹری کے منصوبے پر کام شروع کردیا گیاہے،اللہ کے فضل سےمنشیات سےدوا بنانےکی فیکٹری تیراہ میں لگائیں گے۔

دوسری جانب وزیرمملکت شہریارآفریدی نےوائرل ویڈیو پرردعمل میں کہاہےکہ یہ ویڈیوسوشل میڈیاپرجھوٹےالزامات کےساتھ وائرل ہے، میں کوہاٹ میں اپنے قبائلی عوام کو بتارہا تھا کہ حکومت تیراہ اور دیگر قبائلی علاقوں میں نامیاتی دوائیں بنانےکےکارخانےلگائے گی۔

یہ ویڈیو سوشل میڈیا پر جھوٹے الزامات کے ساتھ وائرل ہے. میں کوہاٹ میں اپنے قبائلی عوام کو بتارہا تھا کہ حکومت تیراہ اور دیگر قبائلی علاقوں میں نامیاتی (organic) دوائیں بنانے کے کارخانے لگائے گی
1/2 pic.twitter.com/gHgbDLYL9I

— Shehryar Afridi (@ShehryarAfridi1) February 2, 2020

انہوں نے مزید کہا کہ بھنگ سے بننے والے تیل (ہیمپ آئل) کی فیکٹریاں لگائیں گے جس سے نوجوانوں کوروزگارملےگااورملکی برآمدات میں اضافہ ہوگا۔ ان کا کہنا تھا کہ لگتا ہے سیاسی مخالفین کے میڈیا سیل کے پاس اب جھوٹ بیچنے کے سوا کچھ نہیں بچا۔

واضح رہے کہ وزیر مملکت شہریار آفریدی  اس قسم  کے جملوں  اور  باتوں کی وجہ سے پہلے  بھی تنقید کا سامنا کرچکےہیں  اس سے قبل وفاقی وزیر کومسلم لیگ (ن) پنجاب کےصدررانا ثناء اللہ کی گرفتاری و ضمانت پر رہائی کےمعاملے پرمخصوص  جملے ’جان اللہ کو دینی ہے‘ پربھی تنقید کا نشانہ بنایاگیاتھا۔