ڈراماسیریل ’’عہدوفا‘‘ کی آخری قسط کا ٹریلر جاری ہوا ہے جس میں بھارتی پائلٹ ابھی نندن کی گرفتاری اورمیجرہمایوں کی انٹری کو سوشل میڈیا پر خوب پسند کیا جارہا ہے۔

تفصیلات کےمطابق آئی ایس پی آر کے تعاون سے پیش کیے جانے والے ڈرامے’’عہد وفا‘‘ کی آخری قسط کا ٹریلر جاری کیا گیا ہے جس میں میجر ہمایوں کی انٹری اور بھارتی پائلٹ ابھی نندن کی گرفتاری کو سب سے زیادہ پسند کیا جارہا ہے۔

میجر ہمایوں کا کردار اداکار ہمایوں سعید اداکررہے ہیں جو ٹریلر میں گرفتار بھارتی پائلٹ سے سوالات کرتے ہوئے نظر آتے ہیں جب کہ ہمایوں سعید کا لہجہ دیکھ کر بھارتی پائلٹ کی حالت نہایت خراب ہورہی ہےاور وہ سوالوں کے جواب دینے کے بجائے کہہ رہا ہے’’مجھے باتھ روم جانا ہے‘‘۔

ڈرامے میں  ہمایوں سعید کی انٹری سے ان کے مداح بے حد خوش اور پرجوش ہیں اور بے چینی سے ڈرامے کی آخری قسط کا انتظار کررہے ہیں جوکہ 14 مارچ کو سینما گھروں میں بھی دکھائی جائے گی۔

واضح رہے کہ ڈراماسیریل ’’عہدِ وفا‘‘ چار دوستوں کی کہانی پر مبنی ہےجوکہ احد رضا میر، عثمان خالد بٹ، وہاج علی اور علی اکبر نے نبھائے ہیں۔