امن کا نوبل انعام حاصل کرنے والی پاکستانی طالبہ ملالہ یوسف زئی نے سوشل میڈیا پر لٹریچر سے لگاؤ رکھنے والے افراد کے لیے ایک اہم پیغام شیئر کیا ہے ۔

تفصیلات کے مطابق ملالہ یوسف زئی نے انسٹا گرام پر ایک پیغام جاری کیا ہے جس میں انہوں نے کتابیں پڑھنے کے شوقین افراد سے مخاطب ہو کر کہا ہے کہ اُنہیں ہمیشہ سے ہی پڑھنا اور عمدہ کتابیں اپنے دوستوں کے ساتھ شیئر کرنا بہت اچھا لگتا ہے، اُنہیں فخر ہے کہ وہ کتابوں سے متعلق ایک ویب سائٹ کے ساتھ اپنے پہلے بُک کلب کا آغاز کرنے والی ہیں۔

See more

ملالہ نے مزید لکھا کہ اُن کی تجویز کردہ کتابیں جاننے کے لیے بتائی گئی ویب سائٹ کو سائن اِن کریں، ہم مِل کر ممتاز مصنفین کی کتابوں سے متعلق جانیں گے۔

انہوں نے مزید کہا کہ ہم مِل کر خواتین مصنفین کی کتابوں سے متعلق جانیں گے جن میں جرأت مندانہ خیالات اور کہانی سنانے والی خواتین شامل ہیں جو دنیا کو منفرد انداز سے دیکھتی اور لکھتی ہیں۔