بھارتی اداکار امیت مستری دل کا دورہ پڑنے سے ہلاک ہوگئے۔

غیر ملکی میڈیا کے مطابق امیت مستری کی موت کی تصدیق ان کے مینجر مہارشی دیسائی نے کی ہے۔

امیت مستری کے منیجر مہارشی دیسائی کا کہنا ہے کہ یہ خبر سن کر میں صدمے کی کیفیت میں ہوں، امیت بالکل ٹھیک اور اپنے گھر پر تھے جبکہ انہیں صحت کے مسائل بھی نہیں تھے۔

مہارشی دیسائی نے مزید بتایا کہ ناشتے کے بعد اداکار امیت کو اچانک دل میں درد ہوا جو کہ ہارٹ اٹیک ثابت ہوا۔

واضح رہے کہ اداکار امیت مستری فلم کیا کہنا، ایک چالیس کی لاسٹ لوکل، یملا پگلا دیوانہ اور مختلف ٹی وی شوز میں کام کرچکے تھے۔