ٹیلی گرام کمپنی کی جانب سے صارفین کے استعمال کے لئے ایک نیا  اور منفرد فیچر متعارف کرایا گیا ہے۔

 ٹیلی گرام نے نئے متعارف کردہ فیچر کے حوالے سے بتایا ہے کہ  اب صارفین اس کی مدد سے گروپ ویڈیو کال کی سہولت حاصل کر سکیں گے۔

کمپنی کے مطابق گروپ ویڈیو کال کے دوران صارفین کو اسکرین شیئر کرنے کی سہولت بھی ہوگی ۔

اسکے علاوہ ٹیلی گرام صارفین اب  اینیمیٹڈ تصاویر و اسٹیکرز بھی ایک دوسرے کو بھیج سکتے ہیں ۔

نئے فیچرز کےحوالے سے ٹیلی گرام نے بتایا ہے کہ یہ تمام سہولتیں استعمال کرنے کے لئے صارفین کو ایپلیکیشن اپ ڈیٹ کرنی ہوگی، جس کے بعد وہ گروپ ویڈیو کالنگ اور اسکرین شیئر کرسکیں گے۔

علاوہ ازیں صارفین کو کمپنی کی جانب سے اپ ڈیٹ بھی بھیجی جائے گی۔