ملک کے اکثر مقامات پر گرج چمک کے ساتھ بارش کا امکان ہے ۔ 

محکمہ موسمیات کے مطابق  ہزارہ، کشمیر، اسلام آباد، راولپنڈی، گوجرانوالہ، سرگودھا،فیصل آباد اور لاہور ڈویژن میں کہیں کہیں بارش کا امکان ہے جبکہ کچھ علاقوں میں موسم گرم اور مرطوب رہے گا۔

وفاقی دارالحکومت اسلام آباد میں دن کے وقت موسم خشک جبکہ صوبہ سندھ اور دیگر علاقوں میں موسم گرم رہنے کا امکان ہے۔

آئندہ چو بیس گھنٹوں کے دوران ژوب ڈی جی خان، ساہیوال ڈویژن، مالاکنڈ، پشاور، کوہاٹ، مردان، بنوں، بالائی پنجاب اور بالائی خیبرپختونخوا میں چند مقامات پر موسلا دھار بارش کا امکان ہے۔

محکمہ موسمیات نے رواں ہفتے کے دوران ملک کے بالائی اور وسطی علاقوں میں مزید مون سون بارشوں کی پیشگوئی کی ہے۔