کراچی کے مختلف علاقوں میں آج صبح سے ہی تیز ہواؤں کے ساتھ بارش کا سلسلہ جاری ہے۔

تفصیلات کے مطابق کراچی کے مختلف علاقوں میں علی الصبح سے کہیں ہلکی کہیں تیز بارش کا سلسلہ جاری ہے،جس نے موسم کو خوشگوار بنادیا ہے،کورنگی روڈ اور ایکسپریس وے پر بھی بوندا باندی جاری ہے جبکہ فیروزآباد،پی ای سی ایچ ایس،شارع فیصل،گلستان جوہر،گلشن سمیت اطراف میں تیز بارش ہورہی ہے۔

محکمہ موسمیات کے مطابق شہر میں دوپہر کے وقت تیز ہوائوں کے ساتھ بارش کا امکان ہے،آج زیادہ سے زیادہ درجہ حرارت اکتیس سے تینتیس ڈگری تک رہنے کا امکان ہے۔

محکمہ موسمیات کے مطابق کلفٹن، ڈیفنس، میٹھادر، کھارادر، ٹاور، صدر، گلشن اقبال، شاہراہ فیصل، یونیورسٹی روڈ، ڈاک خانہ، ناظم آباد، نارتھ ناظم آباد، سائٹ ایریا سمیت اطراف میں تیز ہواؤں کے ساتھ بارش سے موسم خوشگوار ہوگیا۔

محکمہ موسمیات کے مطابق کراچی میں صبح سویرے 29 ڈگری سینٹی گریڈ ریکارڈ کیا گیا، ہوا میں نمی کا تناسب 79 فیصد اور 26 کلومیٹر فی گھنٹہ کی رفتار سے ہوا چل رہی ہے۔