محکمہ موسمیات نے کراچی میں گرمی کی شدت میں اضافے کی پیشگوئی کرتے ہوئے کہا ہے کہ گرمی کی حکمرانی11 ستمبرتک رہنے کا امکان ہے۔ 

تفصیلات کے مطابق شمال مشرقی بحیرہ عرب میں گردش اورہواکاکم دباؤبدستوربرقرارہے ، گردش کراچی کی طرف جنوب مغربی ہواکےبہاؤ کوروک رہا ہے، جس سے شہر میں سمندری ہوائیں مکمل طور پر بحال نہ ہوسکیں۔ 

چیف میٹرولوجسٹ نے کراچی میں گرمی کی شدت میں اضافے کی پیشگوئی کرتے ہوئے کہا ہے کہ گرمی کا سلسلہ 11 ستمبرتک جاری رہنے کا امکان ہے جبکہ کراچی میں موسم گرم اور مرطوب ہے۔ 

کراچی میں گرمی کی شدت کی خبر کے ساتھ  دوسری جانب محکمہ مو سمیات نےآئندہ چوبیس گھنٹوں میںراولپنڈی،گوجرانوالہ، لاہور، سرگودھا، فیصل آباد، ساہیوال، بہاولپور، مالاکنڈ، ہزارہ، مردان، پشاور،کوہاٹ، بنوں، ڈی آئی خان،سبی،میرپورخاص، حیدر آباد ڈویژن، اسلام آباد ،کشمیر اور گلگت بلتستان میں چند مقامات پر تیز ہواوٗں اور گرج چمک کیساتھ بارش کا امکان بھی ظاہر کیا ہے۔