آئندہ چوبیس گھنٹوں کے دوران ملک کے بیشتر علاقوں میں موسم خشک اور سرد رہنے کا امکان ہے۔

محکمہ موسمیات کےمطابق آج ملک کے بیشتر علاقوں میں موسم خشک جبکہ شمالی علاقوں میں سرد رہنے کا امکان ہے جبکہ گلگت بلتستان، بالائی خیبر پختونخوا اور کشمیرکے اضلاع میں چند مقامات پر گرج چمک کے ساتھ ہلکی بارش اور پہاڑوں پر ہلکی برفباری متوقع ہے۔

ذرائع کے مطابق پنجاب کے میدانی علاقوں میں صبح کے وقت دھند پڑئے گی۔

واضح رہے کہ گزشتہ دن کشمیر، بالائی خیبر پختونخوا اور گلگت بلتستان کے اضلاع میں کہیں کہیں بارش ہوئی جبکہ ملک کے باقی علاقوں میں موسم ابر آلود اور خشک رہا۔

کل ریکارڈ کیے گئے کم سے کم درجہ حرارت: کالام منفی 02، بگروٹ منفی 01، مالام جبہ اور گوپس میں 0 ڈگری سینٹی گریڈ ریکارڈ کیا گیا۔