آئندہ 24 گھنٹوں کے دوران ملک کے بیشتر علاقوں میں بارش جبکہ بعض مقامات پر برفباری کابھی امکان ہے۔

تفصیلات کے مطابق آج جنوبی پنجاب، سندھ، شمال مشرقی بلوچستان میں کہیں کہیں جبکہ بالائی پنجاب، خیبر پختونخوا ، اسلام آباد، گلگت بلتستان اور کشمیر کے اضلاع میں میں چند مقامات پر گرج چمک اور تیز ہواؤں کے ساتھ بارش اور پہاڑی علاقوں میں برفباری کا امکان ہے۔

ذرائع کے مطابق اسلام آباد میں بدھ کی صبح ہلکے بادل چھائے رہے اور سردی کی شدت میں بھی اضافہ ریکارڈ کیا گیاتھا جبکہ اسلام آباد کا درجہ حرارت طلوع آفتاب سے قبل 13 ڈگری سینٹی گریڈ ریکارڈ کیا گیا جو زیادہ سے زیادہ 24 تک تک جا سکتا ہے۔

محکمہ مو سمیات کے مطابق ملک کے دیگر اضلاع میں مطلع ابر آلود رہنے کا امکان ہے۔

واضح رہے کہ گذشتہ دن ملک کے زیادہ تر علاقوں میں موسم خشک جبکہ شمالی علاقوں میں سرد رہا ،ملتان، خانیوال ، بہاولپور، رحیم یار خان اور بارکھان کے اضلاع میں چند مقامات پر ہلکی بارش ہوئی۔

دارالحکومت اسلام آباد کا درجہ حرارت طلوع آفتاب سے قبل 13 ڈگری سینٹی گریڈ ریکارڈ کیا گیا جو زیادہ سے زیادہ 24 تک تک جا سکتا ہے۔