پنجاب بھر کے تعلیمی اداروں نے سردی کی چھٹیوں کا اعلان کردیاہے، حکومت کی جانب سے سردی کی چھٹیوں کا نوٹیفکیشن بھی جاری کر دیا گیا۔

حکومت پنجاب نے سرکاری ونجی تعلیمی اداروں کے لیے سردی کی چھٹیوں کا نوٹیفکیشن جاری کیاہے۔ پنجاب کے سرکاری اور نجی سرکاری تعلیمی اداروں میں 20 دسمبرسے 5 جنوری تک سردی کی چھٹیاں ہوں گی۔

پنجاب حکومت کی جانب سے جاری نوٹیفکیشن کے مطابق تعلیمی ادارے 6 جنوری سےدوبارہ کھلیں گے۔

واضح رہے کہ پنجاب سمیت ملک بھر میں جاڑے نے دستک دے دی، کئی شہروں میں بارش کا سلسلہ بھی جاری ہے جبکہ مری اور دیگر مقامات پر برفباری بھی شروع ہو چکی ہے۔

خیال رہے کہ گزشتہ سال پنجاب بھر کے سرکاری ونجی تعلیمی اداروں میں 24 دسمبر سے 31 دسمبر تک موسم سرما کی تعطیلات کی گئی تھیں۔ تاہم بعد میں چھٹیوں کو سردموسم اورشدید دھند کی وجہ سے 15 جنوری تک بڑھانے کا اعلان کیا گیا تھا۔

پنجاب حکومت کی جانب سےجاری اعلامیے میں کہا گیا تھا کہ سردی کی چھٹیوں میں توسیع کا فیصلہ موسم کےحالات کے پیش نظر کیا گیا۔ حکومت کا کہنا تھا کہ تعلیمی اداروں میں موسم سرما کی چھٹیاں شدید دھند اور سردی کے باعث 6 جنوری سے 15 جنوری تک بڑھائی جا رہی ہیں۔