فرانس میں بارشوں اورسیلاب نے تباہی مچادی ،مختلف حادثات میں 9 افراد ہلاک ہوگئے۔

غیرملکی خبرایجنسی کاکہناہے کہ فرانس کےشمالی حصےمیں موسلادھار بارشوں کے بعدسیلابی صورتحال کے باعث متعدد علاقے زیر آب آگئے۔

امدادی کاروائیاں سرانجام دیتے ہیلی کاپٹر بھی تباہ ہو گیا۔ ریسکیو مشن کے دوران ہیلی کاپٹر گرنے سے 3افرادہلاک ہوگئےجبکہ 2افراد سیلاب کی زد میں آکر ہلاک ہوئے۔

سیلاب کی باعث متعدد لوگ لاپتہ بھی ہیں جن کی تلاش کے لئے ریسیکیو آپریشن جاری ہے

طوفانی بارشوں کے باعث سڑکیں تالاب کا منظر پیش کررہی ہیں اورلوگوں کو شدید مشکلات کا سامنا ہے۔

فرانسیسی میڈیا کے مطابق سیکڑوں ریسکیو اہلکار امدادی کارروائیوں میں مصروف ہیں جنہوں نے اب تک تقریباً 100 افراد کو سیلابی ریلے سے باہر نکالا۔

محکمہ موسمیات کے مطابق بارشوں کا سلسلہ مزید دو روز تک جاری رہے گا۔