پنجاب کے بعض میدانی علاقوں میں صبح کے وقت دھند پڑنے کا سلسلہ جاری ہے۔

 محکمہ موسمیات کے مطابق ملک کے بیشترعلاقوں میں موسم سرد اور خشک رہے گاجبکہ بالائی خیبرپختونخوا، کشمیر اورگلگت بلتستان میں جزوی ابر آلود ہونے کے ساتھ شدید سرد بھی رہے گا۔

موسم سرد اور خشک

گوجرانوالہ، سیالکوٹ، لاہور، گجرات، فیصل آباد اوراوکاڑہ میں صبح کے اوقات میں دھند پڑ سکتی ہے۔

اسلام آباد میں آج صبح کے وقت مطلع صاف رہا اور سردی کی شدت میں بھی قدرے کمی ریکارڈ کی گئی۔

 شہر کا درجہ حرارت 8 ڈگری سینٹی گریڈ ریکارڈ کیا گیا جو زیادہ سے زیادہ 16 تک جانے کا امکان ہے۔

صوبہ بلوچستان کے بیشتر اضلاع میں موسم سرد اور خشک رہے گا جبکہ کوئٹہ، قلات اور زیارت میں شدید سرد رہے گا۔

دوسری جانب خیبرپختونخوا آزاد کشمیر اور گلگت بلتستان کے بیشتر اضلاع میں موسم سرد اور خشک جبکہ چترال، دیر اورمالم جبہ میں شدید سردی پڑے گی۔

واضح رہے کہ گزشتہ چوبیس گھنٹوں کے دوران سب سے زیادہ سردی اسکردو میں پڑی جہاں کا درجہ حرارت منفی 20 ڈگری سینٹی گریڈ ریکارڈ کیا گیا۔