محکمہ موسمیات کی جانب سے ملک بھر میں یکم جولائی سے بارشوں کے نئے سلسلے کی پیشگوئی کردی گئی ہے۔

دوسری جانب چیف میٹرولوجسٹ کا کہنا ہے کہ کراچی میں مون سون کا آغاز یکم جولائی سے ممکن ہے۔

محکمہ موسمیات نے بتایا کہ 30 جون سے مون سون ہوائیں تھرپارکر سے داخل ہونگی جبکہ کراچی میں یکم جولائی کی شام سے  مون سون بارشوں کا باقاعدہ آغاز ہوگا۔

محکمہ موسمیات کے مطابق پہلا اسپیل 3 تا 4 روز پر محیط ہوگا۔

محکمہ موسمیات کا کہنا ہے کہ جولائی تا اگست مون سون کی معمول سے زائد بارشیں ممکن ہے جبکہ رواں برس مون سون کے دوران معمول سے  30 فیصد زائد بارشوں کا امکان ہے۔

خیال رہے کہ شہر میں گزشتہ روز سب سے زیادہ بارش ناظم آباد میں 38 ملی میٹر ریکارڈ کی گئی ہے جس کے بعد گرج چمک کے ساتھ بارش برسانے والا سسٹم شہر سے نکل گیا  ہے۔